Etoo da federasiya prezidenti olmaq istəyir

"Barselona"nın sabiq hücumçusu Samuel Etoo Kamerun Futbol Federasiyasının prezidenti olmaq istəyir.

Corner.az-ın məlumatına görə, 40 yaşlı keçmiş futbolçu bu barədə şəxsi "Tvitter" hesabında paylaşıb.

Seçkilərə qatılacağını deyən Kamerun millisinin sabiq üzvü ölkəsinə olan sevgisindən və futbola ehtirası səbəbindən bu qərarı verdiyini yazıb: "Zaman tükənmək üzrədir, gözləmək seçim deyil. Futbolumuzu bərpa etməyin vaxtı gəlib".

Qeyd edək ki, Samuel Etoo karyerası ərzində "Barselona", "Real Madrid" və "Malyorka", "Çelsi", "İnter", "Anji" və "Antalyaspor" kimi komandalarında çıxış edib.