Dünya çempionatı: Azərbaycan boksçusu 1/8 finala yüksəldi

Azərbaycan millisinin daha bir boksçusu Serbiyanın paytaxtı Belqradda dünya çempionatında mübarizəyə qoşulub.

Corner.az-ın məlumatına görə, mundialın dördüncü günündə Məhəmməd Abdullayev qüvvəsini sınayıb.

92 kq-dan yuxarı çəki dərəcəsində çıxış edən idmançı 1/16 finalda Yonas Yazeviçiuslə (Litva) qarşılaşıb.

Rəqibinə 5:0 (29:28, 30:27, 30:27, 29:28, 30:27) hesabı ilə qalib gələn Abdullayev 1/8 finala yüksəlib. O, növbəti qarşılaşmasına oktyabrın 31-də çıxacaq.

Qeyd edək ki, dünya çempionatının beşinci günündə iki boksçusu rinqə çıxacaq. Tayfur Əliyev (60 kq) Simone Spada (İtaliya) ilə, Sərxan Əliyev (71 kq) Stefen Nevnslə (Şotlandiya) gücünü yoxlayacaq.