Legiya Mahiri ittiham edən sabiq futbolçusunu məhkəməyə verir

Polşanın “Legiya” klubu sabiq hücumçusu Voytsex Kovalçiki məhkəməyə verməyə hazırlaşır.

Corner.az xəbər verir ki, bu barədə Varşava təmsilçisinin yaydığı bəyanatda bildirilib.

Buna Kovalçikin komandanın bir neçə futbolçusunu spirtli içki qəbul etməkdə günahlandırması səbəb olub. Klub veteran forvarda qarşı hüquqi addımlar atılacağını bəyan edib. Bəyanatda bəzi oyunçuların və klub rəsmilərinin ev icarəyə götürmələri və orada əyləncə məclisi təşkil etmələri də təkzib edilib.

Xatırladaq ki, Polşa mətbuatında Kovalçikin ittiham etdiyi futbolçular arasında Azərbaycan millisinin hücumçusu Mahir Emrelinin də olduğu yazılıb.