- Offside
- 21:47 22.10.2024
Bu gün futzal üzrə Yüksək Liqada 5-ci turdan təxirə salınmış bir oyun keçirilib.
Corner.az xəbər verir ki, turnir cədvəlinin ilk iki pilləsində yer alan EKOL və “Araz” (Naxçıvan) komandaları üz-üzə gəlib.
Dövlət Bayrağı Günü ilə əlaqədar futzalçılar meydana Azərbaycan Respublikasının bayraqları ilə daxil olublar. Oyundan əvvəl dövlət himni səsləndirilib.
Oyuna gəldikdə, görüşdə hesab erkən açılıb. 1-ci dəqiqənin tamam olmasına 9 saniyə qalmış Felipinyo rəqibi meydanın mərkəzinə dəvət edib. Aqressiv oyun tərzini davam etdirən çempion 3-cü dəqiqədə növbəti qoluna imza atıb. Manekanın ötürməsini yenə Felipinyo tamamlayıb. 17-ci dəqiqədə EKOL meydanda azlıqda qalıb. Namiq Məmmədkərimov ikinci sarı-qırmızı vərəqə aldığına görə meydanı erkən tərk etməli olub. Üstünlüyünü ikinci hissədə də davam etdirən “Araz” qələbə qazanaraq vahid liderliyi ələ keçirib.
Yüksək Liqa, 5-ci turun oyunu
9 noyabr
EKOL – Araz 1:4
Qol: Fərid Atakişiyev, 21:20- Felipinyo, 0:51; 2:24. İsa Atayev, 12:07. Ramiz Çovdarov, 32:42.
Bakı İdman Sarayı. Saat 14:00.
Xal durumu: Araz – 18, EKOL – 15, Record – 9, Baku Fire – 9, Neftçi İK – 7, Xilə – 6, U-19 – 4, Alyans – 3.