Araz Neftçi'ni 8 qolla məğlub etdi

Bu gün futzal üzrə Yüksək Liqada 9-cu turun oyunları keçirilib.

Corner.az xəbər verir ki, üzrlü səbəbdən “Xilə” – “Baku Fire” matçı qeyri-müəyyən müddətə təxirə salınıb.

Bu səbəbdən tura “Neftçi” İK – “Araz” (Naxçıvan) dueli ilə start verilib. “Araz”ı oyuna köməkçi-məşqçi Ağakərim Həsənov çıxarıb. Buna səbəb Joze Alesio Da Silvanın cərrahiyyə əməliyyatı olunması  olub. Həkimlər onun bir müddət istirahət etməsinin vacib olduğunu qeyd ediblər. Braziliyalı mütəxəssisin yoxluğuna baxmayaraq komanda bu görüşdən qalib ayrılıb.

Daha sonra “Record” “Alyans”la (Lənkəran) üz-üzə gəlib. Bu matçda qapılara ümumilikdə 27 qol vurulub ki, bu da cari mövsümün ən məhsuldar görüşü olub. Görüşün sonunda qələbəyə sevinən tərəf Lənkəran təmsilçisi olub.

Günün son qarşılaşmasında U-19 təcrübəli EKOL-la qarşılaşıb. Təcrübəli Namiq Məmmədkərimovun het-trikə imza atdığı görüş EKOL-un qələbəsiylə yekunlaşıb.

Yüksək Liqa, 9-cu tur

26 noyabr

Neftçi İK – Araz (Naxçıvan) 1:8
Qol: Adil İsmayılov, 32:07 – Maneka, 11:19; 19:53, David Qustavo, 13:35. Murilo, 13:56. Xətai Bağırov, 15:09. İsa Atayev, 22:37. Felipinyo, 30:07. Elçin Zeynalov, 35:42-öz qapısına.
Hakimlər: Knyaz Əmiraslanov, Əli Cəbrayılov, Hikmət Qafarlı.
Hakim-inspektor: Azər Əsgərov.
Bakı İdman Sarayı. Saat 14:15.

Record – Alyans (Lənkəran) 12:15
Qol: Natiq Kərimov, 16:56; 23:15; 24:13; 29:26; 38:43. Hasan Ali Jafari, 21:52; 26:22; 39:09. Azər Nəsirov, 27:05; 30:06. Matin Qahremani, 39:29. Kənan Qasımzadə, 39:57-öz qapısına – Anar İsayev, 0:53; 1:17; 18:51. Oktay Rüstəmli, 2:13; 10:30; 14:36; 17:32; 26:02. Nurlan Fərəcli, 4:00; 6:40. Seyedhossein Hosseini, 8:12; 12:55. İlham Allahverdiyev, 33:13; 35:37; 36:12.
Hakimlər: Rza Məmmədov, Mahir Məmmədov, Xəlil Xəlilov.
Hakim-inspektor: Ramiz Əsədov.
Bakı İdman Sarayı. Saat 16:15.

U-19 – EKOL 0:4
Qol: Namiq Məmmədkərimov, 13:04; 16:02; 21:32. Faiq Əliyev, 39:56.
Bakı İdman Sarayı. Saat 18:15.
Hakimlər: Ceyhun Hüseynov, Hacıəli Ağayev, Etibar Həsənov.
Hakim-inspektor: Murad Məmmədov.

Xal durumu: Araz – 27, EKOL – 21, Baku Fire – 15, Neftçi – 13, Record – 9, U-19 – 7, Xilə – 6, Alyans – 6.