Türkiyə millisinin sabiq üzvü Gürcüstana qaçarkən saxlanıldı

Türkiyəli sabiq futbolçu Sezer Öztürk Artvindən Hopaya TIR maşını ilə qaçmağa çalışdığı vaxt yaxalanıb.

Corner.az-ın məlumatına görə, 36 yaşlı keçmiş yarımmüdafiəçi İstanbulda qətl hadisəsi ilə əlaqədar açılan cinayət işi ilə əlaqədar saxlanılıb.

Hadisə sentyabrın 19-da baş verib. Öztürklə Halil İbrahim Genç adlı şəxs arasında yol verməmə üstündə mübahisə yaranıb. Daha sonra Genç silahla vurularaq öldürülüb. Şübhəli şəxs Öztürk Artvindən Gürcüstana getmək üçün yük maşınına gizlənib. O, axtarış nəticəsində TIR-ın arxasında tapılıb.

Onun barəsində "Qəsdən adam öldürmə" maddəsi ilə həbs qətimkan tədbiri seçilib.

Qeyd edək ki, Sezer Öztürk daha öncə verdiyi ifadədə barəsində irəli sürülən ittihamları rədd edib. O, Halil İbrahim Gençi öz mühafizəçisi adlandırıb. Öztürk bildirib ki, evə qayıtdığı vaxt 30-40 nəfərin onun avtomobilinin qarşısını kəsərək, zərbələr endirməyə başlayıblar. Keçmiş futbolçu silahdan atəşi özünün yox, Ömer Gençin havaya və yerə açdığını iddia edib: "Qarşımızı kəsənlər bizə içkili vəziyyətdə hücum etdilər. Yanımda mühafizəçim, onun və mənim uşaqlarım, həyat yoldaşlarımız var idi".

Türkiyə milli komandasının sabiq futbolçusu Öztürk Almaniyanın "Bayer" və "Nürnberq", Belçikanın "Beersxot", Türkiyənin "Manisaspor", "Eskişehirspor", "Fənərbaxça", "Beşiktaş", "İstanbul BB" və "Eskişehirspor" klublarında çıxış edib