Avropa çempionatının biletləri satışa çıxarılır

2022-ci il yanvarın 19-dan fevralın 6-dək keçiriləcək futzal üzrə Avropa çempionatının final mərhələsinin oyunlarına bilet satışına başlanılıb.

Corner.az xəbər verir ki, Azərbaycan millisinin də iştirakçısı olacağı qrup oyunlarını izləmək istəyənlər 15 avrolarından keçməli olacaq.

Elə 1/4 final görüşlərinin qiyməti də bu qədərdir. Yarımfinal matçlarına biletlərin satış qiyməti 20 avro, final və 3-cü yer uğrunda qarşılaşmanın dəyəri isə 25 avrodur.

D qrupunda yer alan Azərbaycan millisi yanvarın 22-də Gürcüstan, 26-da İspaniya, 29-da isə Bosniya və Herseqovina ilə qarşılaşacaq. Azərbaycan yığması qrupdakı ilk iki oyunu Qroningendəki “Martina Plaza”da, son matçını isə Amsterdamdakı “Ziggo Dome”də keçirəcək.