Yunan-Roma güləşi üzrə Fransa klub çempionatına yekun vurulub. Corner.az xəbər verir ki, İslam Abbasovun heyətində yer aldığı "Şiltgem" həlledici görüşdə "Sarregimenes"lə qarşılaşıb.
Millimizin üzvü 2 çəkidə meyada çıxıb. Həmyerlimiz əvvəlcə 86 kq-da erməni Zaven Mikaelyana tam üstünlüklə qalib gəlib - 8:0.
Yarışın sonuncu görüşü İslam Abbasovla fransız Marius Mişon arasında baş tutub. Bu qarşılaşma ərəfəsində İslamın komandası 5:6 hesabıyla geridə olub. Məhz Abbasovun 94 kq-da Mişonu 9:0 hesabıyla məğlub etməsi sayəsində ümumi hesab bərabərləşib və əlavə göstəricilərə görə "Şiltgem" Fransa çempionu olub. Beləliklə, güləşçimiz Fransada komandasının kubok qazanmasında əsas pay sahibi olub.
