Millimizin legioneri zədəsini sağaltdı

21 yaşadək futbolçulardan ibarət Azərbaycan millisinin və Ukrayna "Aleksandriya"sının yarımmüdafiəçisi Emil Mustafayev zədəsini sağaldıb.

Corner.az-ın məlumatına görə, bu barədə Ukrayna təmsilçisinin baş məşqçisi Yuri Qura klubun rəsmi saytına açıqlama verib.

O, 20 yaşlı oyunçu hazırda bərpa prosesi keçirdiyini bildirib: "Tibbi xidmətimiz hər şeyi nəzarət altında saxlayır. Ümid edirik ki, bütün zədəlilər sıraya mümkün qədər tez qayıdacaq".

Qeyd edək ki, Emil Mustafayev Azərbaycan millisinin Norveçə 1:2 hesabı ilə uduzduğu Avropa çempionatının seçmə oyununda zədələnib.