Novak Cokoviçin deportasiyası təxirə salındı

Avstraliya federal məhkəməsi serbiyalı tennisçi Novak Cokoviçin iddiasını təmin edib.

Corner.az yerli mətbuata istinadən xəbər verir ki, 35 yaşlı idmançının yanvarın 10-dək Melburnda qalmasına icazə verilib.

Məhkəmə həmin tarixdə Cokoviç ilə bağlı yekun qərarını verəcək. Məşhur tennisçinin Avstraliyadan deportasiya ediləcəyi gözlənilir.

Xatırladaq ki, ötən gün Novak Cokoviçin vizası ləğv edilib. Buna təcrübəli tennisçinin koronavirusa qarşı peyvənd və testlə bağlı bəndi səhv doldurması səbəb olub. O, hazırda ölkədə sığınacaq axtaranların məskunlaşdığı "The Park Hotel"ə yerləşdirilib.