Futbol üzrə Azərbaycan milli komandasının UEFA Millətlər Liqasındakı potensial rəqibi olan Moldova yığması yoxlama oyunu keçirib. Corner.az xəbər verir ki, Sergey Kleşenkonun rəhbərlik etdiyi kollektiv Uqanda seçməsi ilə üz-üzə gəlib.
Moldovalılar ilk hissədən sonra hesabda öndə olsalar da, ikinci yarıda iki top buraxan komanda 2:3 hesabı ilə uduzub.
“Keşlə”nin qapıçısı Stanislav Namaşko bu oyunun iştirak ərizəsinə salınsa da, meydana çıxmayıb.
Moldova millisi Qazaxıstana qalib gələcəyi halda C Liqasında Azərbaycan yığmasının yer aldığı 3-cü qrupa düşəcək. Əks təqdirdə, komanda D Liqasının 2-ci qrupunda mübarizə aparacaq.
Azərbaycan yığması C Liqasının 3-cü qrupunda Slovakiya, Belarus və Qazaxıstan-Moldova cütünün qalibi ilə mübarizə aparacaq.
