Berbatov növbəti dəfə federasiya prezident olmaq üçün namizəd oldu

Bolqarıstan millisinin sabiq futbolçusu Dimitar Berbatov ikinci dəfə yerli futbol ittifaqının prezidenti vəzifəsinə seçkilərdə iştirak edəcək.

Corner.az-ın məlumatına görə, bu barədə veteran hücumçunun özü Bolqarıstan Teleqraf Agentliyinə açıqlama verib.

Berbatov ölkənin 45 klubu onun namizədliyini irəli sürdüyünü bildirib. Həmin komandaların üçü I divizion təmsilçiləri olduğunu vurğulayıb.

"Əminəm ki, bu dəfə qalib mən olacağam. Rəqiblərimi ölkə futbolunun inkişafı ilə bağlı təqdimat planlarını və proqramlarını açıq şəkildə bəyan etməyə çağırıram".

Prezident seçkiləri martın 18-də baş tutacaq.

Qeyd edək ki, Dimitar Berbatov ötən il də Bolqarıstan Futbol İttifaqının prezidenti vəzifəsinə namizəd olub. Həmin vaxt 230 səs toplayan əfsanəvi futbolçu yekunda Borislav Mixaylova (241 səs) uduzub.