Braziliya klubunu avtobusunda partlayış - 3 futbolçu yaralandı

Braziliyanın "Baiya" klubunun avtobusunda partlayış baş verib.

Corner.az-ın yerli mətbuata istinadən məlumatına görə, insident nəticəsində 3 futbolçu yaralanıb.

Hadisə Braziliya təmsilçisinin "Sampayo Korrea" ilə Şimal-Şərq Kubokunun ev matçına gələrkən yaşanıb. Klub "tviter" hesabında qanlı oturacaqların və zədələnmiş avtobusun şəkillərini paylaşıb. Salvador polisi isə faktla bağlı araşdırmalara başlayıb.

Partlayışda ən ağır xəsarəti qapıçı Danilo Fernandes alıb. Üz nahiyəsindən yaralanan qolkiper xəstəxanaya yerləşdirilib. Hazırda durumu yaxşı olan Fernandesin müalicəsi üçün xəstəxanada qalacağı bildirilib. Onunla yanaşı, müdafiəçi Mateus Baiya və hücumçu Marselo Çirino da yaralanıb.