FİFA-nın keçmiş rəhbəri Yozef Blatter Rusiya prezidenti Vladimir Putinlə bağlı fikrinin dəyişdiyini bildirib. Corner.az xarici mətbuata istinadən xəbər verir ki, 85 yaşlı funksioner, Putinin əvvəlki adam olmadığını deyib:
“Mövcud vəziyyətə, eləcə də, televiziyada çıxış edən Putinə baxsaz, indi bu, əvvəlki adam deyil.
Rusiyanın futbol komandalarının yarışlardan kənarlaşdırılmasına gəlincə, idman dünyası haqlı olaraq reaksiya verməklə yanaşı Rusiyaya “qırmızı vərəqə” göstərdi. Mən də çox sevinirəm ki, İsveçrə lazım olan siqnalı verdi.
Mən Ukrayna xalqına və onun cəsur döyüşçülərinə həmrəyliyimi, rəğbətimi bildirmək istəyirəm”.
Rusiya qoşunları fevralın 24-dən Ukraynaya hücuma keçiblər. Bu hücum bütün dünyada kəskin etirazlara səbəb olub. Bu hücumdan sonra Rusiyaya qarşı bir çox sanksiyalar tətbiq edilməyə başlanıb. Həmçinin, Rusiyanın müxtəlif idman növləri üzrə komandaları da qadağalarla üzləşib.
