Azərbaycan Dövlər Bətən Tərbiyəsi və İdman Akademiyasında (ADBTİA) dərs demək üçün Bakıda olan UEFA-nın elit-hakimlər komitəsinin baş fizioterapevti Roman Jahoda Azərbaycan Premyer Liqasının, Birinci Divizionun oyunlarına təyinat alan və inkişaf qrupuna aid bəzi hakimlər üçün məşq keçib.
Corner.az xəbər verir ki, budəfəki məşq ötən ilin noyabrında “Complex Core” şirkəti tərəfindən həyata keçirilən laktat testinin, idman hərəkəti sınaqlarının davamı olaraq təşkil olunub.
Təlim mobillik, çeviklik və sabitlik sahələrini, hər bir idmançı üçün xüsusən də hakimlər üçün çox vacib olan bütün sahələri əhatə edib. AFFA-nın Hakimlər Komitəsinin sədri Frits Stuxlikin rəhbərlik etdiyi məşq zamanı iştirakçılar müxtəlif təlimlər yerinə yetirib, lazımi konsentrasiya və təkmilləşdirmə məşqləri ediblər.
