- Offside
- 09:45 13.12.2025
Qadın voleybolçular arasında Bahar Kubokuna yekun vurulub.
Corner.az-ın məlumatına görə, 3-cü yer uğrunda oyunda "Azərreyl" və UNEC komandaları üz-üzə gəliblər. Görüşdə 3:0 (25:20, 25:14, 25:16) hesablı qələbə qazanan "Azerreyl" bürünc medallara sahib çıxıb.
Final matçında isə "Abşeron" və "Murov" kollektivləri münasibətlərinə aydınlıq gətiriblər. Bu görüşdə isə rəqibini 3:0 (25:23, 25:18, 25:18) hesabı ilə məğlub edən "Abşeron" Bahar Kubokunun qalibi olub.
Qeyd edək ki, turnirin bütün oyunları Azərbaycan Voleybol Federasiyasının idman zalında baş tutub.
