Məşhur tennisçi 25 yaşında karyerasını bitirdi

Böyük Dəbilqə turnirinin üçqat qalibi, dünyanın bir nömrəli qadın tennisçisi Eşli Barti peşəkar karyerasını başa vurub.

Corner.az-ın məlumatına görə,25 yaşlı idmançı bu barədə Qadın Tennis Assosiasiyasının rəsmi saytına açıqlama verib.

Avstraliyalı idmançı, artıq başqa məqsədlərə çatmağa çalışmağın vaxtı olduğunu bildirib: "Kiçik yaşlarımdan tennis oynayıram. Artıq 18 yaşım olanda uzun fasilə vermişdim. Həmin vaxt, sadəcə, normal yeniyetmə həyatı yaşamaq və bundan həzz almaq istəyirdim. Tennis bütün arzularımı və hətta daha çoxunu həyata keçirdi. Düşünürəm ki, artıq raketkaları atmaq zamanı çatıb".

Qeyd edək ki, Eşli Barti 2019-cu ildə "Rolan Qarros" (Fransanın Açıq çempionatı), 2021-ci ildə Uimbldon, bu il isə Avstrliya Açıq Çempionatının qalibi olub.