Konor Makqreqor Dublində saxlanıldı

Mütləq Döyüş Çempionatının (UFC) 2 çəki dərəcəsi üzrə sabiq çempionu Konor Makqreqor İrlandiyanın paytaxtı Dublində saxlanılıb.

Corner.az "Irish Independent" nəşrinə istinadən xəbər verir ki, 33 yaşlı döyüşçü 200 min dollar dəyərindəki "Bentley Continental GT" markalı maşınını təhlükəli idarə etdiyi üçün tutulub. Avtomobil cərimə meydançasına aparılıb. Polis bölməsinə aparılan Makqreqora qarşı ittiham irəli sürülüb. O, iclas təyin olunanda məhkəməyə gəlmək öhdəliyi ilə zaminə buraxılıb.

Döyüşçü təqsirli bilinsə, 5000 avro məbləğində cərimə ödəyə və ya 6 aylıq həbs oluna bilər.