Belçikanın “Serkl Brügge” klubunun qapıçısı Migel Van Damm vəfat edib. Corner.az xarici mətbuata istinadən xəbər verir ki, belçikalı qolkiper 28 yaşında, leykoz xəstəliyindən dünyasını dəyişib.
“Serkl Brügge” klubunun yetirməsi olan mərhum futbolçuda ilk dəfə 2016-cı ildə leykoz xəstəliyi aşkarlanmışdı. 2020-ci ildə onda üçüncü dəfə eyni xəstəlik görünmüşdü. Migel Van Dammın iki illik müalicəsi nəticə verməyib və bu gün vəfat edib.
