Ümumrusiya Voleybol Federasiyası (VFV) İdman Arbitraj Məhkəməsinə (CAS) müraciət edib. Corner.az xəbər verir ki, ruslar ləğv edilmiş dünya çempionatına görə 80 milyon dollar məbləğində təzminat tələb edib.
Martın 1-də Beynəlxalq Voleybol Federasiyası Ukraynaya hərbi müdaxiləsinə görə 2022-ci il dünya çempionatını Rusiyada keçirməmək barədə qərar qəbul edib.
Dünya çempionatı 26 avqust-11 sentyabrda Rusiyanın10 şəhərində – Moskva, Sankt-Peterburq, Kalininqrad, Yaroslavl, Kazan, Yekaterinburq, Ufa, Novosibirsk, Kemerovo və Krasnoyarskda təşkil olummalı idi.
