Bu gün futzal üzrə Yüksək Liqada XVIII turun oyunları keçirilib. Corner.az xəbər verir ki, bütün görüşlər Bakı İdman Sarayında baş tutub.
Turun ilk matçında turnir cədvəlinin aşağı pillələrində qərarlaşan “Alyans” ilə U-19 komandaları üz-üzə gəlib. “Milli” komanda bu oyunda qələbə qazanaraq turnir cədvəlindəki mövqeyini yaxşılaşdırıb.
Günün növbəti matçı “Baku Fire” ilə EKOL arasında keçirilib. Gərgin keçən matçda komandalar hərəyə 1 xalla kifayətləniblər.
“Neftçi” isə “Record”la qarşılaşıb. Görüşdə inamlı qələbəyə sevinən “Neftçi” xal ehtiyatını artırıb.
Lider “Araz”ın “Xilə” ilə oyunu isə sonuncuların yarışdan kənarlaşdırılması səbəbindən keçirilməyib. Naxçıvan komandasının aktivinə 3 yazılıb.
Yüksək Liqa
XVIII tur
8 aprel
Alyans (Lənkəran) - U-19 4:8
Qollar: Emin Kərimov, 2:10; 31:09. Elşən Mahmudov, 3:05. Anar İsayev, 18:49 - Mikayıl Qiyasov, 10:57. Emin Kərimov, 17:48-öz qapısına. Fuad Məmmədzadə, 18:17; 28:44. Xəzər Ağalızadə, 24:41; 33:20; 34:02. Ramazan Atakişiyev, 36:51.
Hakimlər: Hikmət Qafarlı, Rza Məmmədov, Xəlil Xəlilov.
Hakim-inspektor: Ramiz Əsədov.
Bakı İdman Sarayı. Saat 12:00.
Baku Fire – EKOL 3:3
Qollar: Nihad İsmayılov, 11:39; 23:50. Elşən İbramxəlilov, 17:27 - Tofiq Mikayılov, 22:46. Elvin Quliyev, 28:28-öz qapısına. Mehdi Rəsulov, 39:28.
Hakimlər: Knyaz Əmiraslanov, Ziya Nəsirov, Elgün Hüseynov.
Hakim-inspektor: Murad Məmmədov.
Bakı İdman Sarayı. Saat 14:15
Record – Neftçi İK 1:5
Qollar: Matin Qahremani, 33:55 - Oqtay Rüstəmli, 13:23; 21:18. Hüseyn Mənəfli, 13:36. Omid Talebi, 22:49. İlqar Nuruşov, 34:30.
Hakimlər: Nail Nağıyev, Mahir Məmmədov, Nahid Xasıyev.
Hakim-inspektor: Elçin Səmədli.
Bakı İdman Sarayı. Saat 16:15.
Xal durumu: Araz – 52, EKOL – 40, Neftçi – 37, Baku Fire – 35, U-19 – 16, Record – 15, Alyans – 12, Xilə – 6.
