Real'ın sabiq futbolçusu reanimasiyaya yerləşdirildi

İspaniyanın "Real Madrid" klubunun sabiq futbolçusu Freddi Rinkon avtomobil qəzasına düşüb.

Corner.az "Marca"ya istinadən xəbər verir ki, 54 yaşlı veteran yarımmüdafiəçi ağır vəziyyətdə xəstəxanaya çatdırılıb.

Kolumbiyalı keçmiş oyunçunun içərisində olduğu maşın Kali şəhərində avtobusla toqquşduğu iddia olunub. Hazırda Rinkonun reanimasiyada olduğu bildirilib. Onunla yanaşı, avtobusun sürücüsü və sərnişinləri də klinikaya yerləşdiriliblər.

Xəstəxananın baş həkimi Laureano Kintero veteran futbolçunun başından ciddi xəsarət aldığını və əməliyyat olunacağını bildirib.

Qeyd edək ki, Freddi Rinkon 1995-1996-cı illərdə "Real Madrid"in formasını geyinib. 1990 - 2001-ci illərdə ölkəsinin yığmasına dəvət alan keçmiş orta sahə oyunçusu İtaliyada "Napoli"nin də şərəfini qoruyub.