Murov və Neftçi'dən növbəti qələbə

Voleybol üzrə Azərbaycan Yüksək Liqasında XIX turun oyunları keçirilib.

Corner.az-ın məlumatına görə, turun hər iki qarşılaşması “Murov” Voleybol Klubunun idman zalında təşkil olunub.

Günün ilk qarşılaşmasında "Murov" "Sərhədçi"yə 3:0 (25:12, 25:8, 25:15) hesabı ilə qalib gəlib. Bu nəticədən sonra xallarını 41-ə çatdıran komanda sona 1 tur qalmış çempionluğunu rəsmiləşdirib. "Sərhədçi" isə 6 xalla 4-cü pillədə qərarlaşıb.

Turun son matçında "Neftçi" "Ekspress"i eyni hesabla üstələyib - 3:0 (25:15, 25:14, 25:23). "Ağ-qaralar" bu qələbə sayəsində xallarını 36-ya çatdırıb və gümüş medalları təmin edib. 6 xalı olan "Ekspress" isə son sırada yer alıb.