Bu gün futzal üzrə Yüksək Liqada əsas mərhələnin sonuncu - XXI turunun oyunları keçirilib. Corner.az xəbər verir ki, son turun oyunları “Olimpik Star”da baş tutub.
Turun ilk matçında lider “Araz” “Alyans”la qarşılaşıb. Naxçıvan təmsilçisi bu oyunda darmadağınla qalib gəlib.
EKOL bu dəfə “Record"la üz-üzə gəlib və qələbə qazanıb. Son oyun isə U-19 ilə “Baku Fire” arasında baş tutub. “Baku Fire” bu görüşdə milli üzərində əzmkar qələbə qazanıb.
Bununla da Yüksək Liqada 2021/22-ci il mövsümünün əsas mərhələsinə yekun vurulub. "Araz", EKOL, "Neftçi" İK və "Baku Fire" komandaları mübarizəni pley-offda davam etdirəcək. U-19, "Record" və "Alyans" üçün isə mövsüm başa çatıb. “Xilə” daha öncə ardıcıl üç oyunda səbəbsiz şəkildə meydana çıxmadığı üçün yarışdan kənarlaşdırılmışdı.
Yüksək Liqa
XXI tur
22 aprel
Araz (Naxçıvan) - Alyans (Lənkəran) 19:3
Qollar: Xətai Bağırov, 0:30; 10:34; 32:42. Maneka, 4:52; 15:20; 29:15; 30:25; 36:07; 38:27. Felipinyo, 8:37; 14:43; 31:24. Ramiz Çovdarov, 10:02; 24:31; 25:41; 31:57; 37:20. Rizvan Fərzəliyev, 11:37. David Qustavo, 26:28 - Elşən Veysov, 22:22; 39:00. Anar İsayev, 34:42.
Hakimlər: Hacıəli Ağayev, Kənan Məlikov, Ziya Nəsirov.
Hakim-inspektor: Azər Əsgərov.
Olimpik Star. Saat 14:00.
EKOL – Record 5:2
Qollar: Mehdi Rəsulov, 1:11. Rüstəm Bağırov, 8:25; 14:18. Orxan Həsənəliyev, 17:41; 31:43 - Hossein Hotkani Seyedreza, 21:38; 29:09.
Hakimlər: Əli Cəbrayılov, Vüsal Balaşov, Knyaz Əmiraslanov.
Hakim-inspektor: Murad Məmmədov.
Olimpik Star. Saat 16:00.
U-19 – Baku Fire 3:5
Qollar: Xəzər Ağalızadə, 9:40. Nazim Rəhimov, 20:57. Məhəmməd Abbasov, 39:58 - Murad Quluzadə, 22:05. Tofiq Əliyev, 24:01. Elvin Quliyev, 26:33. Nihad İsmayılov, 28:06. Renat Sultanov, 29:35.
Hakimlər: Hikmət Qafarlı, Anar Fərəcov, Elgün Hüseynov.
Hakim-inspektor: Azad Hüseynov.
Olimpik Star. Saat 18:00.
Xal durumu: Araz – 61, EKOL – 49, Neftçi – 44, Baku Fire – 37, U-19 – 20, Record 18, Alyans – 15, Xilə – 6.
