Qızıl top mükafatına namizədlərin siyahısı yeniləndi

"France Football" nəşrinin təsis etdiyi "Qızıl top" mükafatını qazanmağa ən real namizədlərin siyahısı yenilənib.

Corner.az "Goal" nəşrinə istinadən xəbər verir ki, siyahıya yenə də İspaniyanın "Real Madrid" klubunun və Fransa millisinin hücumçusu Kərim Benzema başçılıq edir.

İngiltərə "Liverpul"unun futbolçusu misirli Məhəmməd Salah bir pillə irəliləyərək ikinci olub. 29 yaşlı hücumçu Almaniya "Bavariya"sının polşalı hücumçusu Robert Levandovskini üstələyib.

"Real"ın xorvatiyalı yarımmüdafiəçisi Luka Modriç 5-ci pillədən 7-ci yerə düşüb. 36 yaşlı futbolçusu "Liverpul"un seneqallı futbolçusu Sadio Mane və İngiltərə "Mançester Siti"sinin belçikalı oyunçusu Kevin De Bruyne qabaqlayır.

Nəşrin tərtib etdiyi 20 oyunçudan ibarət siyahıya Fransa PSJ-sindən Lionel Messi və İngiltərə "Mançester Yunayted"indən Kriştiano Ronaldo yer almayıb.

İlk "10-luq"
1. Kərim Benzema - ("Real Madrid", Fransa)
2. Mohamed Salah - ("Liverpul", Misir)
3. Robert Levandovski - ("Bavariya", Polşa)
4. Kilian Mbappe - (PSJ, Fransa)
5. Sadio Mane - "Liverpul, Seneqal)
6. Kevin De Brüyne - "Mançester Siti", Belçika)
7. Luka Modriç - ("Real Madrid", Xorvatiya)
8. Vinisius Junior - ("Real Madrid", Braziliya)
9. Fil Foden ("Mançester Siti", İngiltərə)
10.Trent Aleksander-Arnold ("Liverpul", İngiltərə)