Bu futzal üzrə Azərbaycan kubokunun yarımfinal oyunları keçirilib.
Corner.az xəbər verir ki, hər iki oyun Bakı İdman Sarayında baş tutub.
Əvvəlcə Birinci Liqa təmsilçiləri qarşılaşıb. “Alyans Qrup” “Forza Neftçi” ilə üz-üzə gəlib. Bu oyunda “Alyans Qrup” minimal hesabla qalib gələrək ilk finalçı olub.
Daha sonra Yüksək Liqanın iki iddialı komandası final uğrunda mübarizə aparıb. “Neftçi” ilə EKOL-un qarşılaşmasında həm əsas, həm də əlavə vaxt qalib müəyyənləşməyib. Bu üzdən qalibi müəyyənləşdirmək üçün penalti seriyasına ehtiyac duyulub. 11 metrlik zərbələri daha dəqiq yerinə yetirən “Neftçi” finalda "Alyans Qrup"un rəqibi olub.
Beləliklə Azərbaycan kubokunun final matçında “Alyans Qrup” və “Neftçi” İK komandaları qarşılaşacaq. Həlledici görüşün tarixi və yeri hələ müəyyənləşməyib.
Azərbaycan kuboku
Yarımfinal
26 aprel
Alyans Qrup – Forza Neftçi 1:0
Qol: Elçin Zeynalov, 1:14.
Hakimlər: Nail Nağıyev, Rza Məmmədov, Xəlil Xəlilov.
Hükim-inspektor: Füzuli Nəcəfov.
Bakı İdman Sarayı. Saat 14:15.
Neftçi İK – EKOL 2:2 (penaltilər 4:2)
Qol: İlkin Hacıyev, 16:20. Tofiq Mikayılov, 18:59-öz qapısına - Mehdi Rəsulov, 13:11. Əsgər Abasov, 16:52.
Hakimlər: Ziya Nəsirov, Ceyhun Hüseynov, Anar Fərəcov.
Hakim-inspektor: Ramiz Əsədov.
Bakı İdman Sarayı. Saat 16:45.
