Futbol müharibədən sonra bizi daha da birləşdirəcək

"Futbol müharibədən sonra bizi daha da birləşdirəcək".

Corner.az xəbər verir ki, bunu UEFA prezidenti Aleksander Çeferin Xorvatiyanın "Hayduk" və Ukraynanın "Şaxtyor" (Donetsk) komandaları arasında keçirilmiş xeyriyyə oyunundan sonra deyib.

54 yaşlı funksioner Ukrayna xalqının güclü olduğunu bildirib: "Siz birlik nümayiş etdirirsiniz. Sevinirəm ki, bu, futbol vasitəsi ilə baş verir".

Xeyriyyə matçlarının önəmliyini bildirən sloveniyalı funksioner müharibənin tezliklə bitməsini arzulayıb.

Qeyd edək ki, qarşılaşma 3:3 hesabı ilə yekunlaşıb. Matçdan əldə edilən gəlir Ukraynadan olan qaçqınlara yardım məqsədi ilə sərf olunacaq.