Zərərli vərdişlərlə mübarizəyə dəstək məqsədilə Azərbaycan Velosiped Federasiyasının təşkilatçılığı ilə mayın 22-də paytaxtda veloyürüş keçirilib.
Corner.az xəbər verir ki, Türkiyə Cumhuriyyəti “Yeşilay” Cəmiyyətinin təşəbbüsü, “Zərərli Vərdişlərə Qarşı” İctimai Birliyinin dəstəyi ilə baş tutan veloyürüşə Azneft dairəsindən start verilib.
Yürüşdə AVF, “Zərərli Vərdişlərə Qarşı” İctimai Birlik, MSN və digər klubların üzvləri, eləcə də paravelosipedçilər və həvəskarlar iştirak ediblər.
Velosipedçilər Dənizkənarı Bulvarla hərəkət edərək, Hərbi Qənimətlər Parkının qarşısında yürüşü başa vurublar.
Qeyd edək ki, bu gün zərərli vərdişlərə qarşı mübarizə məqsədilə dünyanın 75 ölkəsində veloyürüş keçirilib.
