Azərbaycan Respublikasının Prezidenti cənab İlham Əliyevin ölkə idmanına və idmançılara göstərdiyi diqqət və qayğını, həmçinin maddi-texniki bazanın yaxşılaşdırılması istiqamətində verdiyi tapşırıq və tövsiyələri əldə əsas tutmaqla Azərbaycanda velosiped idman növünün inkişafı istiqamətində fəaliyyətini davam etdirən Azərbaycan Velosiped Federasiyası dünya brendləri ilə əməkdaşlıq edir.
Corner.az xəbər verir ki, bu yaxınlarda dünyaca məşhur “Northwave” şirkətindən yığma komanda üçün yeni nəsil geyim dəstləri sifariş edən Federasiya idmançıların yarışlarda iştirakı üçün "Specialized" brendinin premium modeli olan “S-Works” velosipedlərinin alışını da həyata keçirir.
Qeyd olunan firmanın istehsalı olan velosipedlərin ilk hissəsi artıq Azərbaycana gətirilib və yığma komanda üzvlərinə təqdim olunub.
