- Offside
- 22:48 26.11.2024
Mayın 28-də Albaniyanın paytaxtı Tiranada start götürəcək Avropa çempionatında Azərbaycanı təmsil edəcək ağırlıqqaldıran müəyyənləşib.
Azərbaycan Ağır Atletika Federasiyasından Corner.az-a verilən məlumata görə, yarışda Dadaş Dadaşbəyli qüvvəsini sınayacaq. O, 102 kq çəki dərəcəsində medal qazanmağa çalışacaq.
İyunun 5-dək davam edəcək qitə çempionatında 39 ölkədən ümumilikdə 326 atlet (161 qadın + 165 kişi) mübarizə aparacaq.
