Qəbələ Rumıniya klubuna qalib gəldi

Yeni mövsümə hazırlığı davam etdirən “Qəbələ” bu gün ikinci yoxlama oyununa çıxıb.

Corner.az xəbər verir ki, “qırmızı-qaralar” Türkiyənin Bolu şəhərində təşkil olunan təlim-məşq toplanışı çərçivəsində Rumıniyanın “Çiksereda” klubu ilə üz-üzə gəlib.

118 il əvvəl əsası qoyulan bu klub Liqa 2-də çıxış edir. Komanda ötən mövsümü 7-ci pillədə başa vurub. 

Üç qolun qeydə alındığı matçda Azərbaycan təmsilçisi meydandan qələbə ilə ayrılıb. Elmar Baxşıyevin rəhbərlik etdiyi komandadan qolları 3-cü dəqiqədə Rövlan Muradov və 52-ci dəqiqədə Asif Məmmədov vurub.

Xatırladaq ki, “Qəbələ” daha öncə iyulun 5-də Super Liqa klubu “Qaziantep”lə (1:2) üz-üzə gəlib.

Yoxlama oyunu
12 iyul

Qəbələ – Çiksereda 2:1