Hindistanın Çennay şəhərində təşkil olunmuş Ümumdünya Şahmat Olimpiadası davam edir. Corner.az xəbər verir ki, bu gün 3-cü turun görüşləri baş tutub.
Kişilərdən ibarət Azərbaycan millisi bu turda Argentina seçməsinə qalib gəlib. Şəhriyar Məmməmdyarov və Rauf Məmmədov rəqiblərini məğlub edib, Nicat Abbasovla Qədir Hüseynovun görüşləri isə heç-heçə bitib. Komandamız ilk turda Əlcəzairi 4:0, 2-ci turda isə Filippini 3:1 hesabı ilə üstələmişdi.
Qadınlardan ibarət Azərbaycan millisi isə 3-cü turda Yunanıstan seçməsini sınağa çəkib. Rəqibini məğlub edən milli komanda ardıcıl 3-cü qələbəsini qazanıb. Günay Məmmədzadə, Xanım Balacayeva və Gülnar Məmmədova rəqibləri ilə heç-heçə ediblər. Yeganə qalibiyyəti isə Gövhər Beydullayeva əldə edib. Komanda ilk turda Birləşmiş Ərəb Əmirliklərini, ikinci turda isə Finlandiyanı 4:0 hesabı ilə üstələmişdi.
Ümumdünya Şahmat Olimpiadası
3-cü tur
31 iyul
Azərbaycan – Argentina 3:1
Şəhriyar Məmmədyarov - Fernando Peralta - 1:0
Rauf Məmmədov - Federiko Peres - 1:0
Qədir Hüseynov - Leandro Krisa 0,5:0,5
Nicat Abbasov - Dieqo Flores - 0,5:0,5
Azərbaycan - Yunanıstan 2,5:1,5
Günay Məmmədzadə - Stavrula Tsolakidu - 0,5:0,5
Xanım Balacayeva - Anastasiya Avramidu - 0,5:0,5
Gövhər Beydullayeva - Yekaterina Pavlidu - 1:0
Gülnar Məmmədova - Haritomeni Markantonaki – 0,5:0,5
Ümumdünya Şahmat Olimpiadası avqustun 10-da başa çatacaq.
