Milli komandaların FİFA reytinqi açıqlanıb. Corner.az xəbər verir ki, hesabat dövründə az sayda oyun keçirildiyindən siyahıda yalnız cüzi dəyişikliklər olub.
Azərbaycan millisinin mövqeyi isə dəyişməz qalıb. Ötən siyahıdadan sonra heç bir matça çıxmayan Canni de Byazinin yetirmələri 128-ci pillədə qərarlaşıb. Yığmamızın aktivindəki xal sayı 1127,17-yə bərabərdir.
Qardaş Türkiyə yığmasının da mövqeyi toxunulmaz qalıb. “Ay-ulduzlular” 1475,13 xalla 42-cidir.
Qeyd edək ki, cədvələ 1837,56 xalla Braziliya başçılıq edir.
