Qadın voleybolçulardan ibarət Azərbaycan milli komandası AÇ-2023-ün seçmə mərhələsi çərçivəsində sonuncu oyununa çıxıb. Corner.az xəbər verir ki, həlledici qarşılaşmada rəqib Avstriya yığması olub.
Eldar Yusubovun rəhbərlik etdiyi kollektiv bu rəqibi üzərində qələbə qazanıb - 3:1 (25:14, 25:20, 23:25, 25:15)
Beləliklə, Azərbaycan millisi qrup ikinciliyini və Avropa çempionatının final mərhələsinə vəsiqəni təmin edib. Komandamız ardıcıl 10-cu dəfə Avropa çempionatının final mərhələsində mübarizə aparacaq.
Xatırladaq ki, Avropa çempionatı Belçika, İtaliya, Estoniya və Almaniyanın birgə ev sahibliyi ilə təşkil olunacaq.
