Məşhur tennisçi karyerasını başa vurdu

İsveçrəli məşhur tennisçi Roje Federer peşəkar karyerasını bitirəcəyini açıqlayıb.

Corner.az-in məlumatına görə, bu barədə 41 yaşlı idmançı sosial şəbəkə hesabında paylaşım edib.

O, İngiltərənin paytaxtı Londonda keçiriləcək Leyver Kubokundan sonra tennislə vidalaşaçağını bildirib. Federer səhhətinin ona əvvəlki səviyyədə çıxış etməyə imkan vermədiyi sözlərini də əlavə edib.

Qeyd edək ki, Roje Federer karyerası ərzində 103 titul qazanıb. O, səkkiz dəfə Uimbldon turnirinin, altı dəfə Avstraliya Açıq turnirinin, beş dəfə ABŞ Açıq çempionatının və bir dəfə "Rolan Qarros"un qalibi olub.