- Offside
- 14:29 28.11.2024
Kolumbiyalı peşəkar boksçu Luis Kinyunes vəfat edib.
Corner.az-ın məlumatına görə, 25 yaşlı idmançı venesuelalı Xose Munyosa qarşı döyüşdə aldığı xəsarətlərdən sonra dünyasını dəyişib.
Munyos reytinq qarşılaşmasının 8-ci raundunda nokautla qalib gəlib. Kinyunes rinqi xərəkdə tərk etməli olub. Kəllə-beyin travması səbəbindən əməliyyat olunan boksçu süni komaya salınmışdı.
Qeyd edək ki, Luis Kinyunes peşəkar karyerasına 2018-ci ildə başlayıb. İdmançının 10 qələbəsi və 1 məğlubiyyəti var idi.
