Murov Bakıya qələbə ilə qayıdır

Polşanın Kielnarova bölgəsində təlim-məşq toplanışında olan "Murov" voleybol klubu son yoldaşlıq oyununa çıxıb.

Corner.az xəbər verir ki, yerli "Ekstrans Jetsov"la qarşılaşan komanda əvvəlki 2 matçda olduğu kimi, bu dəfə də qələbə qazanıb.

Hazırlıqlarını oktyabrın 12-də yekunlaşdırmalı olan kollektiv bir gün sonra Vətənə dönəcək və məşqlərini ölkə daxilində davam etdirəcək.

Qeyd edək ki, Azərbaycanı Çağırış Kubokunda təmsil edəcək "Murov" oktyabrın 19-u və 20-də Bakıda Xorvatiyanın "Kitro Varazdin" komandasını qəbul edəcək. Hər iki görüş saat 18:00-da başlayacaq.