Qadın voleybolçulardan ibarət milli komandalar arasında dünya çempionatının qalibi müəyyənləşib. Corner.az xəbər verir ki, final oyununda Serbiya milli komandası Braziliya yığmasına qalib gəlib.
Niderlandın Apeldorn şəhərində keçirilən görüşdə 3:0 (26:24, 25:22, 25:17) hesabı ilə serblər qələbəyə sevinən tərəf olub.
Üçüncü yer uğrunda oyunda İtaliya ABŞ komandasına qalib gəlib - 3:0 (25:20, 25:15, 27:25).
Serbiya turnirdə məğlub olmayan yeganə komanda oldu. Çempionat zamanı serblər Tokio Olimpiadasının qalibi olan ABŞ yığmasını iki dəfə - birinci mərhələdə və yarımfinalda məğlub ediblər.
Bu komanda ikinci dəfə dünya çempionatının qalibi olub. Serblər ilk birinciliyi 2018-ci ildə əldə ediblər.
