Avarçəkmə üzrə "Mingəçevir Reqatası"nda çıxış edəcək ölkələr açıqlanıb. Corner.az xəbər verir ki, yarışda Azərbaycanla yanaşı, Bolqarıstan, İtaliya, Gürcüstan, Macarıstan, Moldova, Polşa, Qazaxıstan, Rumıniya, Serbiya, Sloveniya, Turkiyə, Özbəkistan və Ukrayna komandaları da mübarizə aparacaq.
Avropa Kanoe Assosiasiyasının təqvim planına daxil edilən reqatanın birinci günü Suqovuşanda baş tutacaq. İdmançılar oktyabrın 21-də Suqovuşanda, 22-si və 23-də isə Mingəçevirdə Kür çayında kürək çəkəcək.
