- Offside
- 11:59 28.10.2024
Kişi voleybolçulardan ibarət "Murov" klubu Çağırış Kubokunda növbəti oyununu keçirəcək.
Corner.az-ın məlumatına görə, Fərid Cəlalovun baş məşqçi olduğu komanda 1/32 final mərhələsinin cavab matçında Xorvatiyanın "Kitro Varazdin" kollektivi ilə üz-üzə gələcək.
Dərnəgül Voleybol Mərkəzindəki qarşılaşma saat 18:00-da başlayacaq.
Eyni məkandakı ilk qarşılaşmada "Murov" 3:0 (25:19, 25:18, 25:20) hesabı ilə qalib gəlib.
Cütün qalibi 1/16 final mərhələsində Avstriyanın "UVC Graz" kollektivi ilə görüşəcək.
