Neapol polisi “Napoli”nin yarımmüdafiəçisi Xviça Kvaratsxeliyanın oğurlanmış avtomobilini geri qaytarıb. Corner.az xarici KİV-ə istinadən xəbər verir ki, 21 yaşlı futbolçunun avtomobili onun evinin yaxınlığındakı dayanacaqdan yoxa çıxıb. Bir gün sonra polis avtomobili Neapol ətrafında tapıb.
Gürcü futbolçu 2022-ci ilin iyulunda “Napoli”yə keçib. O, Neapol komandasının heyətində keçirdiyi 17 matçda 8 qol vurub, 10 məhsuldar ötürmə edib.
