“Borussiya”nın (Dortmund) hücumçusu Sebastyen Haller yenidən əməliyyat olunacağını açıqlayıb. Corner.az xəbər verir ki, 28 yaşlı futbolçu “Twitter” hesabında ona dəstək olan hər kəsə minnətdarlığını bildirib:
“Mübarizəm bitməyib. Məni futbol meydançasından uzaqlaşdıran bu şişə son qoymaq üçün yenidən əməliyyat olunmalıyam. Dəstək mesajlarına və mənə verdiyiniz motivasiyaya görə hamınıza təşəkkür edirəm”.
Fil Dişi Sahili yığmasının da üzvü olan hücumçu ötən yay 35 milyon avroya “Ayaks”dan “Borussiya”ya keçib. İyul ayında futbolçuya xərçəng diaqnozu qoyulub və əməliyyat olunub.
