- Offside
- 18:43 29.11.2024
Bu gün futzal üzrə Yüksək Liqada IX turun oyunları keçirilib. Corner.az turun bütün oyunları “Olimpik Star”da baş tutub.
Turun açılış matçında “Baku Fire” “Record”u sınağa çəkib. 11 qolluq bu gərgin matçda “Baku Fire” çətin qələbə qazanıb.
Turun mərkəzi oyununda lider “Araz Naxçıvan” əsas rəqiblərindən olan “Neftçi” İK ilə üz-üzə gəlib. Dörd qolluq bu matç heç-heçə başa çatıb. Nəticədə “Araz Naxçıvan” cari mövsümdə ilk dəfə meydanı qələbəsiz tərk edib.
Turun son matçında isə U-19 ilə “Alyans” komandaları qarşılaşıb. Bu matç başa çatmayıb. Belə ki, oyuna daha yaxşı başlayan və xüsusilə də ikinci hissədə ardıcıl qollar vuraraq hesabda 5 top fərqi ilə önə keçən U-19 ilk qələbəsinə yaxın olduğu anda, “Alyans”ın qapıçısı İmran Məhərrəmov rəqibi aşkar qol vurmaqdan məhrum etdiyinə görə 32-ci dəqiqədə qırmızı vərəqə ilə qovulduğundan və Lənkəran təmsilçisinin heyətində ikinci qapıçı olmaması səbəbindən, futzal oyun qaydalarına uyğun olaraq, hakimlər oyunu davam etdirməyib. Oyun dayandırılan vaxt hesab 6:1 U-19-un xeyrinə olub.
Bu matçın yekun nəticəsi ilə bağlı AFFA-nın İntizam Komitəsi qərar verəcək.
Yüksək Liqa
IX tur
1 dekabr
Baku Fire – Record 6:5
Qol: Oruc Baxşəlizadə, 10:10. Nihad İsmayılov, 13:37; 16:47; 39:28. Sahand Rezapour, 24:48. Tofiq Əliyev, 32:36 - Seyidreza Hosseini Hotkani, 11:36; 17:46. Matin Qahramani, 18:49; 26:18. Mojtaba Vali, 39:06.
Hakimlər: Hikmət Qafarlı, Rza Məmmədov, Vüsal Balaşov.
Hakim-inspektor: Ramiz Əsədov.
Olimpik Star. Saat 14:00.
Neftçi İK – Araz Naxçıvan 2:2
Qol: Ülvi Əliyev, 5:16; 32:22 - Viktor Ponce, 7:32, 23:28.
Hakimlər: Ziya Nəsirov, Ceyhun Hüseynov, Kənan Məlikov.
Hakim-inspektor: Azər Əsgərov.
Olimpik Star. Saat 16:00.
U-19 – Alyans (Lənkəran) 6:1 (oyun başa çatmayıb)
Qol: İlham Alıyev, 9:21. Fərid Abbasov, 25:43. Nihad Cəfərli, 29:15; 30:26. Şahbaz Həndəmli, 29:31. Sadiq Əlizadə, 30:45 - Adil İsmayılov, 18:37.
Hakimlər: Hacıəli Ağayev, Şakir Quliyev, Mahir Məmmədov.
Hakim-inspektor: Elçin Səmədli.
Olimpik Star. Saat 18:00.
Xal: Araz Naxçıvan – 25, Baku Fire – 19, Neftçi – 17, Record – 12, Alyans – 3, U-19 – 0.
