İtaliyanın “Bolonya” klubunun sabiq məşqçisi Sinişa Mixayloviç dünyasını dəyişib. Corner.az xəbər verir ki, bu barədə Serbiya Futbol Federasiyasının rəsmi saytı məlumat yayıb.
Veteran müdafiəçi 53 yaşında onkoloji xəstəlikdən vəfat edib. Serbiyalı çalışdırıcı uzun müddət idi xərçəngdən əziyyət çəkirdi.
Xatırladaq ki, Sinişa Mixayloviç futbolçu karyerası ərzində "İnter"lə yanaşı, ölkəsinin "Voyvodina", "Srvena Zvezda", İtaliyanın "Roma", "Sampdoriya" və "Latsio" klublarının da formasını geyinib.
