Azərbaycan cüdoçusu Hidayət Heydərov Beynəlxalq Cüdo Federasiyasının (IJF) mütləq reytinq cədvəlində ilk yeddi idmançı arasında yer alıb.
Corner.az xəbər verir ki, 73 kiloqram çəki dərəcəsində ikinci yerdə qərarlaşan ikiqat Avropa çempionu və dünya çempionatlarının üçqat bürünc mükafatçısının hesabında 6070 xalı var.
Bu, bütün çəki dərəcələri üzrə cüdoçular arasında yeddinci göstəricidir.
Lider 81 kiloqramda son dünya çempionu, gürcüstanlı Tato Qriqalaşvilidir (9296).
