Avropa Voleybol Konfederasiyası azərbaycanlı hakim Eldar Zülfüqarova növbəti təyinat verib. Corner.az xəbər verir ki, o, qadın voleybolçular arasında Çempionlar Liqası matçını idarə edəcək.
Zülfüqarov Türkiyənin İstanbul şəhərində “Fənərbaxça Opet”in D qrupu çərçivəsindəki ev oyununda iş başında olacaq.
Yanvarın 18-də “Burhan Felek” voleybol salonunda keçiriləcək görüşdə adıçəkilən komanda Almaniya təmsilçisi “Allianz MTV Ştutqart”la üz-üzə gələcək. Matçın ikinci hakimi rumıniyalı Pol Katalin Szabo-Aleksi olacaq.
