Vüqar Əsədli: Bu nəticəni gözləmirdim

Azərbaycan Şahmat Federasiyasının rəsmi saytına açıqlama verən qrossmeyster yarışla bağlı icazə aldığını və turnirdə ikinci yeri tutacağını düşünmədiyini bildirib: "Karyeramda ilk dəfə ölkə çempionatında gümüş medal qazandım. Final psixoloji olaraq çətin oldu. Klassik oyunda ilk görüşdə qələbə qazandım. Amma uğurun davamını gətirmək alınmadı. Psixoloji olaraq sona qədər səhvsiz oynamaq alınmadı. Oyun baxımından Azərbaycan çempionu olmağa gücüm var idi. Sadəcə hər zaman şahmatda mübarizə istədiyimiz kimi olmur”".

Azərbaycan çempionatında ikinci yerin sahibi olan Vüqar Əsədli yeniyetmə şahmatçıların bütün rəqiblərə müqavimət göstərdiyini qeyd edib: “Çempionatda gənclərin oyunu məni təəccübləndirdi. Xüsusilə az yaşlıların oyununu fərqləndirmək istərdim. Variantları çox yaxşı bilirlər. Maraqlı gedişlər oynadılar. Ona görə rəqabətin az olmadığını deməliyəm".