Azərbaycanlı velosipedçi MDB məkanında ilkə imza atdı

Azərbaycanlı velosipedçi Ramil Ziyadov MDB məkanında ilkə imza atıb.

Corner.az-ın məlumatına görə, dünyanın bir çox ölkəsini velosipedi ilə gəzən səyyah daha bir rekord qırıb.

Səyyah bu dəfə Avrasiya qitəsinin ən uzun yoluna çıxıb. Ramil Ziyadov Sargesdən (Portuqaliya) Maqadana (Rusiya) 15 050 km-lik məsafəni qət edib.

Ziyadov  bununla bağlı təəssüratlarını sosial şəbəkə vasitəsilə bölüşüb: “Sevincimin həddi-hüdudu yoxdur. Avrasiya qitəsinin ən uzun sayılan Sarges-Maqadanı yolunu keçdim və MDB ölkələri arasında ilkə imza atdım”.

Qeyd edək ki, Ramil Ziyadov 2013-cü ilin mayından velosipedi ilə dünya səyahətinə çıxıb.