AFFA İntizam Komitəsinin iclası keçirilib. Corner.az xəbər verir ki, iclasda AFFA-nın bayrağı altında keçirilən müxtəlif turnirlərlə bağlı aşağıdakı qərarlar qəbul olunub:
Region Liqasında keçirilən “Şirvanovka” – “Qusar” FK oyununda “Qusar”ın futbolçusu Sərxan Ağayev hakimi təhqir etdiyinə görə qırmızı vərəqə ilə meydandan kənarlaşdırıldığına görə 4 oyun cəzalandırılıb.
U-17 Liqasında keçirilən “Xan Lənkəran” – “Turan Tovuz” oyununda “Xan Lənkəran”ın futbolçusu Tahir Yusubzadə rəqib oyunçunu vurduğuna görə qırmızı vərəqə ilə meydandan kənarlaşdırıldığına görə 4 oyun cəzalandırılıb. “Turan Tovuz”un futbolçusu Dinamin Bağırov rəqib oyunçunu vurduğuna görə qırmızı vərəqə ilə meydandan kənarlaşdırıldığına görə 2 oyun cəzalandırılıb.
U-11 Liqasında keçirilməli olan “Xudafərin” – “Binə” FK qarşılaşmasında “Xudafərin”in heyətində yetərsay olmadığı üçün oyunun baş tutmadığına görə “Xudafərin”ə 0:3 hesablı texniki məğlubiyyət verilib.
AFFA Region Liqasında çıxış edən “Dirçəliş”in oyunçusu Pərviz Əliyevin cəzasının çəkilməmiş hissəsinin bağışlanması ilə əlaqədar klub tərəfindən edilən müraciət təmin edilməyib.
