Badminton üzrə paytaxt birinciliyinin qalibləri bilindi

Azərbaycan Badminton Federasiyası (ABF) ilə Bakı Şəhər Gənclər və İdman Baş İdarəsinin birgə təşkilatçılığı ilə 2013-cü il və daha kiçik təvəllüdlü oğlan və qızlar arasında keçirilən paytaxt birinciliyinə yekun vurulub.

ABF-in mətbuat xidmətindən Corner.Az-a bildiriblər ki, 1 nömrəli idman liseyində keçirilən yarışda 34 oğlan və 21 qız badmintonçu 5 kateqoriya üzrə mübarizə aparıb.

Fərdi yarışlarda Məhəmməd Hacıyev və Ayla Abdullayeva birinci olublar. Məhəmməd Hacıyev-Eldəniz Novruzov, Mədinə Musayeva-Duyğu Mustafalı qoşa, Mədinə Musayeva-Məhəmməd Hacıyev qarışıq qoşa yarışlarda bütün rəqiblərini qabaqlayaraq qızıl medal qazanıblar.